مانەوە

باکە دەریا باش بزانێ
کە ناخنکێن
ئەو کەسانەی
وا ئەستێرەکان دەژمێرن.

زانا شەریفیان

من

پەنجەکانت
لەم دەشتەدا
باوەش باوەش گوڵی سوور
دەچێنن و
منیش بوومە درۆیەک
 هەموو جارێک
بژار دەکرێم.

زانا شەریفیان

بێدەنگی

بەیانییێک
لەگەڵ ئاوا بووین ڕۆژدا
لە نێوان دارستانێ گەورە
دارێکیان دی
گەڵاکانی وەریبوو
دوێنێ شەوێ بەلقی خۆی
هەڵواسرابوو
لە نێو بێدەنگی دارستان
هاوارێک هات
ئیتر بەسە حەشاردانی قاڵاوەکان




زانا شەریفیان