لەسەر شەقامی خەیاڵم
هەنگاو دەنێم
ئەم پێوانم هەرتاو شێوەو
دەنگی تایبەت بەخۆی هەیە
چەن هەنگاوم
من قارەمانێ بێوێنم
ڕێگا بە هیچ زۆردار نادەم
هەنگاوەکانم دەگۆرم
ئەمجار ئەویندارێ پڕ هەستم
یان فەرهادم یان وەلی دێوانە بم
جاری واشە
ماڵ پەرەستم
شەڕ فرۆشم
جنێو فرۆشێ مەکر بازم
لەو ڕۆژەی دەترسم بچمە؛ناو خەیاڵم و
ڕاستیم لەبیر بچێتەوە
هەر من بمێنموو تەنیاییم
هەنێسک
www.telegram.me/henesk9
تەواوی زاناکان لەسەر ئەو بڕوایەن کە منداڵی ئێمە زۆربەی کەسایەتی ئێمە درووست دەکات هەڵسوکەوتی بەرامبەرەکان لەگەڵمانا لە گەورە بوونمانا خۆی نیشان دەدات
لە منداڵیان ئێمە مانای قین ، درۆ یان خۆشەویستی نازانین ئەوە گەورەکانماننن کە پێمان دەڵێن و نیشانمان دەدەن موحەممد جەعفەری موسەفا لە کتێبی بیری زائد دا دەڵێ کاتێ دوو منداڵ یاری دەکەن و یەکیان شتێک بە کەسێک دەبەخشێ ئەوە ئەگەر گەورەکەی پێی بڵێ تۆ گەمژەی بۆ دەبێ شتەکانی خۆت ببەخشی یان ئەوەکە تۆ کەسێکی زۆر گەورەی وا لەگەڵ هاوڕێکەتا دەبیتە شەریک ئەم دوو بڕیاری جیاوازن بەڵام ئەم جۆرە باوەڕانە لە نیوان بنەماڵەو منداڵا بە جۆرێکە خۆی نیشان دەدات ئەویش سەرکوت کردنی منداڵ لەڕێگای باسکردنی کەسانێکە بە گەورەیی کە وەک دار کونکەرەیێک دایمە لە مێشکیان دەدات بێ ئەوە کەسایەتی ئەو منداڵە لەبەرچاو گرین یان ئەوەکە چاوکەین چیمان بۆ ئەو منداڵە داناوە ڕاستە ئەگەری هەیە ئەو منداڵە بەرەو پێش بچێ بەو قسانەو ناونیتکانە وا لێی دەدرێ بەڵام دەبێتە هۆی قینێک کە دایمە لەگەڵیا بمێنێ.
کاناڵ تێلێگرام:henesk9@
لەم ڕۆژگارەدا تووشی کێشەو ناکۆکیێ لەگەڵ خۆماندا بووین دەمانهەوێ بەهەر جۆرێ بێت خۆمان لای خەڵکان خۆش کەین و زۆرجار ڕابردوومان بشۆینەوە و ئاڵوگۆڕیێکی فراوانی تیا بدەین کە نیشانی بدەین ئەو کەسەی ڕابردوو ئێمە نەبووین تەنیا خەیاڵێکە بەڵام زۆر جار بە هەڵسوکەوتەکانمان کەسانێ تۆشی کێشە دەکەین ، ڕاستە دەچین داوای لێبووردنیان لێ دەکەین بەڵام لەیاد ناکەن کە چۆن کەسێ بووین ؛ بۆیە زۆر جار بێ ئەوە بزانین چۆن هەڵەهایێکمان کردە دەس دەکەین بە درووست کردنی داهاتوو لەگەڵ هەر ئەو کەسانە دایمەش بزەیێک لەسەر لێومان دەبێت لە هەموو خراپتر ئەوەیە داواکاریشمان لێیان هەیە بۆیە هەمووجار نەنکم لە وڵامیانا دەیوت ، بچۆ بۆ جێیێ کەس نەت ناسێ خۆت هەڵکێشە پڕ بە کراسێ ، لەیادتان بمێنێ ڕابردوو هەر ئەو داهاتوویە وا تێپەڕمان کردە
ئەمڕۆ ڕۆژی ئەو کەسانەیە وا لە منداڵی زۆریان لێ دەترسام کەسانێ لە ڕواڵەتا لە کەسێکی ئاسایی ناچن تەنیا یەک تاقە دانە کرۆمۆزۆمیان زۆرترە ئەو کەسانەی لای خۆمان چڵکن ڕایان دەگرن با لێیان بترسین بەڵام ئەوکەسانە توانایی زۆریان هەیە بۆ ئەوە ژیانێ خۆش و پڕ لە هێمنیان بێت.
ئەوین لەهەر شتێک پێک دێت ، ئەوین دەتوانێ بەشێکی هەرە زۆر لە هەستەکان لەبەر گرێ ، چ ئەو هەستانە وا دایان دەپۆشین و چ ئەوانەی وا ترسێنەرن بۆ ئێمە ، یۆنگ دەڵێ من دەمهەوێ کەسێکی تەواو و کامڵ بم تا ئەوە کە کەسێکی باش بم .چەن کەس لە ئێمە ڕۆحی خۆیان دەفرۆشن بۆ ئەوەی باش یان خۆشەویست بن؟
لە نیگاو بۆن ترسناکتر ،زمانە.....ئا هیچ شتێ زمان نیە ، بەیەک وشە بێئیمان و ئیماندار لەیەک جودا دەکاتەوە . وشە دەتوانێت لە شەیتان بەدتر و لەتاریکی ڕەشتر و لە خوێن سوورتر بێت ، وشە سەرە ماندوو ولاوازەکان پڕ دەکات لە فیتنە و خەیاڵ ، بەڵام هەر وشەشە ، پیرۆز و بەشکۆ و بەجەلالە.
ئێوارەی پەروانە.
پەروردە
ناهێڵن دەرس خوێنم تا ئێستاش هاتووم بە زۆر بووە ئەمە هەوەڵ قسەکانی بوو ، دواتر لە پەڕەیێکا نووسی خۆیان دەرسیان نەخوێندە نایانهەوێ منیش دەرس خوێنم زۆرتری منداڵەکان لەگەڵیا کێشەیان هەیە هەر کوێ بزانێ کێشەی هەیە بە گریان دەیهەوێ درووستی کات بە هیچ جۆرێک ناچێتە ژێر بار قسەو کارەکانی ؛ ئەمە منداڵێکی تەمەن یازدە ساڵە .
زۆر جار بمانهەوێ باسێک دەست پێکەین دەبێ سەرەتا باس لەو فەلسەفەکەین وا هەیە لەو کتێبانەکەین وا خوێندوومانە، بەڵام باشتروایە خۆشمان ئەو بیرۆکە وا لەمێشکماندایە بیهێنەنە سەر پەڕەو دەست کەین بە نووسینی ، لەکۆمەڵگای خۆماندا پەروەردە بە چ مانایە لە ڕابردوو کە بنەماڵەکان منداڵیان زۆر بوو داواکاری زۆر لە گەورەی ماڵەکە نەبوو تەنیا گەورەی ماڵ ئەو توانای بوو بڕیار بدات بەڵام کۆمەڵگا بەرەو پێش دەچێت بەڵام چ جۆر پێش چوونێک بنەمایێکی هەیە یان ئەوەکە پلانێکی بۆ داندراوە یان نا ، لەم ڕۆژدا بنەماڵەکان دێن بە چاوکردن لە ڕابردوویان دەست بە پەروەردە دەکەن جا ئەم پەروەردە دەتوانێ بە پشت کردن لە ڕابردوویان بێت یان ئەوەکە درێژە دەری ئەو ڕێگایە.
ئەگەر باس بە پشت کردن لە ڕابردوویان بێت بە جۆرەهای جیاواز خۆی نیشان دەدات کە دەتوانێ سەرکەوتوویی بۆ منداڵەکە بێت یان ئەوە کە تووشی سەرکوتی کات و داهاتوویێکی ناڕەسەنی بێت ، جاری وایە گەورەکان بیرێکی قیزەونیان لە داهاتووی خۆیان هەیە بۆیە منداڵێکیان دەوێت لە تەواوی بوارەکاندا سەرکەوتووبێت بێ ئەوە توانا بنەماییەکانی منداڵەکەیان لەبەرچاو گرن تەواوی کاتەکانی بە هەوەڵدانێکی ئەتوانین بڵێین بێ سوود تێپەڕدەکات،
لەم نێوانەشدا پێش دێت کە ئەویش ئەوەیە کە دەڵێن چون ئێمە نەبووین بە هیچ شتێک ئەوە دەبێ ئەو منداڵەش وەکوو ئێمە بێت لەم کاتەیا کۆمەڵگایە کە ئەو منداڵە پەروەردە دەکات و بایەخی پێ دەدات کۆمەڵگایە کە ڕێگا نیشان دەدات هەموو ڕێگایێ ئەو دەسەڵاتەش دەدات بە منداڵەکە هەڵبژێرێ کە چ ڕێگایێکی دەوێت و بۆ کوێ دەیهەوێ بچێ هەر چەن لێرەدا لەمپەڕیش هەیە .
جۆرە پروەردەیێکیش هەیە ئەویش درێژەدان بەو جۆرە پەروەردەی ڕابردوە بوونی منداڵ لەژێر سێبەری دەسەڵاتی گەورەی ماڵ ، ئەمیش دەتوانێ جۆرەها کەسێکی لێکەوێتەوە ، منداڵێکی زۆر سەربە یاسای پەروەردەو بنەماڵەیە یان ئەوە تووشی دوو ڕوویی دەکات لە کۆمەڵگا بەجۆرێک و لە بنەماڵە بە شێوەی دیکە ببێت، ئەگەری هەیە کە منداڵ نەتوانێ یاساکانی پەروەردەی بە تەواوی جێبەجێ کات بۆیە سەرشۆڕیێ بۆ باوک و دایکیان درووست دەبێت .
باس کردن لە پەروەردە دوور و درێژە بە باس کردن لە منداڵێکەوە دەست پێکرا ئەم کۆمەڵگایە فەلسفەی ناوێ ، سیاسەتی ناوێ ، تەنیا بیرکردنەوەی دەوێ بیر لە مرۆڤایتی بیر لە پەروەردەیێک بەرەو زانست.
به ته‌نیا جێ مه‌هێڵن ئه‌م شه‌و زریان ده‌مچێنێ/ ته‌م و مژ دام ده‌پۆشێ مانگه شه‌و ده‌م ڕفێنێ
کێ ده‌یزانی مه‌لی نه ئاوا ده‌تان تارێنن/ باڵی هه‌زارتان ده‌برن شارێکتان ده‌خنکێنن
کێ ده‌یزانی به‌هاریش شه‌خته و زریان ده‌هێنێ/چاوی لێمان داده‌خا چرووکان ده‌وه‌رێنێ
به ته‌نیا جێ مه‌هێڵن ئه‌م شه‌و زریان ده‌مچێنێ/ ته‌م و مژ دام ده‌پۆشێ مانگه شه‌و ده‌م ڕفێنێ
کێ ده‌یزانی که ئاوا ته‌ناف هه‌ڵخه‌ن بۆ شارێ/ ده‌ستی شه‌قامیش ببرن کۆڵان بده‌ن له دارێ
لاوێکی شه‌رمێون بووم مێشکم ده‌درا به ماران/ ئێستاش که پیر و ماندوم ده‌رم ده‌که‌ن له شاران
به ته‌نیا جێ مه‌هێڵن ئه‌م شه‌و زریان ده‌مچێنێ/ ته‌م و مژ دام ده‌پۆشێ مانگه شه‌و ده‌م ڕفێنێ
کێ ده‌یزانی که ڕۆژێ من ده‌کرێم به گۆرانی/ ده‌مه‌و به‌هار دێمه‌وه ده‌چمه نێو ئاوی کانی
گه‌رووم به گزینگ ته‌ڕ که‌ن زامه‌کانم به شیلان/ به گۆرانی دام پۆشن یا به سه‌وزی دارستان
به ته‌نیا جێ مه‌هێڵن ئه‌م شه‌و زریان ده‌مچێنێ/ ته‌م و مژ دام ده‌پۆشێ مانگه شه‌و ده‌م ڕفێنێ
ڕۆژێ بەردێکی خزمی نیشتمان
بە کانیاوێکی نەناسراوی وت:
ئەبێ لەو دەشتەدا بۆم بنووسی
کە من لە تۆیش ناسکترم
کانیەکە وتی من هەرگیز درۆی وا ناکەم
بەردەکە پێی وت ئەتکوژم
بشمکوژی من هەرگیز درۆی واناکەم
بەردی نەگلیس خۆی خل کردەوە
هەتا سەردەمی کانیەکەو
نەیهێشت کانی هەناسە بات هەتاکوو مرد!
شێرکۆ بێکەس
